Phai di chwng Hamjakmungno Chini Poito-o tei Núkhung rogo Yapharwi Samungo Phnang lai anw
Siyonno tei chini núkhungo, khoroksa swk tamni bagwi abo hai khe tongmungrok tong kha buchiui man kha hwn khe khá nang rwui manno, phiya ba karon buchi ya hwn khe, chwng bórokno pherwi buchiui manno, jolijagwi manno, tei páithago khe kena arirok wngwi manno.
Aboni bagwino Kaitor buchimano tẃiwi khá rw-o tei khoroksa tei khoroksano tẃiwi uansugo tei “Norok kiching norok hamjak lai di” hwnmano muitu khlai-o abono smai kwtalni nangkuk mani phrwngmung khe romwi.
Adongrok Khristo Ahnsahnghong tei Ama Kaitor bai khe Phunukjakmani Hamjakmungni Lama-o Rwktharo
Kaitorni Mothani adongrok Apha tei Ama soiwi phaimani tekto, sak dukhu, lachirwjakmung, tei hamya sajakmungno naharwi abórokno soi kha, bórokni sakni bagwi simi tongmani a kwcham tongmungno kibiui tei khoroksa tei khoroksano buchinai tongmung kwtal wngna bagwi chaitogwi, khoroksa bai khoroksa yaphar laiui tei khir khir khe hamjakmungno samungo phang lai kha.
Hakhe Kaitor chwngno hamjakmano chwng sauibo mano poitobo khlai-o. Kaitor wng kha hamjakmung, hakhe hamjagwi tongnai borok bo Kaitorni bisingo tongo, Kaitorbo bini bisingo tongo. . . . Hakhe Khristo chwngno hai hwnwi dagi kha: Kaitorno hamjaknai borok bo takhuknobo hamjak thai. 1 Johon 4:16–21
- আগের তারিখ
- 2025. 08. 08
- সহানুভূতি
- 5
