[ຂໍໃຫ້ພວກເຮົາປະຕິບັດຄວາມຮັກ ໂດຍການຍອມໂອນອ່ອນໃນຄວາມເຊື່ອ ແລະ ຊີວິດຄອບຄົວ]
ໃນສີໂອນ ແລະ ໃນຄອບຄົວຂອງພວກເຮົາ, ການເຂົ້າໃຈວ່າເປັນຫຍັງໃຜບາງຄົນຈຶ່ງປະພຶດຕົວໃນລັກສະນະນັ້ນ ຈະສາມາດນໍາໄປສູ່ຄວາມເຫັນອົກເຫັນໃຈ, ແຕ່ຖ້າບໍ່ຮູ້ເຫດຜົນ, ພວກເຮົາອາດຈະເຂົ້າໃຈພວກເຂົາຜິດ, ໂກດຮ້າຍ ແລະ ໃນທີ່ສຸດຈະກາຍເປັນສັດຕູກັນ.
ນັ້ນແມ່ນເຫດຜົນທີ່ພະເຈົ້າໄດ້ຊົງເນັ້ນຢໍ້າເຖິງຄວາມສໍາຄັນຂອງຄວາມເຂົ້າໃຈ ແລະ ການຄໍານຶງເຖິງກັນແລະກັນ ແລະ ເນັ້ນຢໍ້າວ່າ “ຈົ່ງຮັກເຊິ່ງກັນແລະກັນ” ເປັນຄໍາສອນທີ່ສໍາຄັນຂອງຄໍາໝັ້ນສັນຍາໃໝ່.
[ບັນດາສະມາຊິກຕິດຕາມເສັ້ນທາງແຫ່ງຄວາມຮັກ ທີ່ສະແດງໃຫ້ເຫັນໂດຍ ພະຄິດພະອັນຊັງໂຮງ ແລະ ພະເຈົ້າພະມານດາ]
ບັນດາສະມາຊິກຂອງຄິດສະຕະຈັກຂອງພະເຈົ້າ ຄິດຕຶກຕອງເຖິງຄວາມທຸກທໍລະມານ, ຄວາມເຈັບປວດ, ຄວາມອັບອາຍ ແລະ ການດູຖູກ ທີ່ພະບິດາ ແລະ ພະມານດາໄດ້ຊົງອົດທົນ ເພື່ອພວກເຂົາ ໂດຍປະຖິ້ມສະພາບມະນຸດຄົນເກົ່າ ທີ່ມີຊີວິດຢູ່ເພື່ອຕົນເອງເທົ່ານັ້ນ ແລະ ພະຍາຍາມກາຍເປັນຄົນໃໝ່ ທີ່ຄໍານຶງເຖິງກັນແລະກັນ, ຍອມໃຫ້ແກ່ກັນແລະກັນ ແລະ ປະຕິບັດຄວາມຮັກຢ່າງຈິງຈັງ.
ຝ່າຍພວກເຮົາກໍຮູ້ ແລະ ເຊື່ອຄວາມຮັກທີ່ພະເຈົ້າມີຕໍ່ພວກເຮົາ. ພະເຈົ້າເປັນຄວາມຮັກ ແລະ ພວກທີ່ມີຊີວິດຢູ່ໃນຄວາມຮັກ ກໍມີຊີວິດຢູ່ໃນການຮ່ວມເຂົ້າກັບພະເຈົ້າ; ແລະ ພະເຈົ້າກໍມີຊີວິດຢູ່ໃນການຮ່ວມເຂົ້າກັບເຂົາ. ... ຂໍ້ຄໍາສັ່ງທີ່ພະຄິດໄດ້ມອບແກ່ພວກເຮົາມີດັ່ງນີ້: ຜູ້ໃດທີ່ຮັກພະເຈົ້າຕ້ອງຮັກພີ່ນ້ອງຂອງຕົນຄືກັນ. [1 ໂຢຮັນ 4:16-21]
- ວັນທີໂພດສ໌
- 2025. 08. 08
- ຄວາມຮູ້ສຶກ
- 158
