ချစ်ခြင်းမေတ္တာ၏ပညတ်တော်

[ယုံကြည်ခြင်းဘဝနှင့် မိသားစုဘဝထဲတွင် အလျှော့ပေးခြင်းအားဖြင့် ချစ်ခြင်းမေတ္တာကို လက်တွေ့ကျင့်သုံးကြပါစို့]

ဇိအုန်ထဲမှာနဲ့ မိသားစုထဲမှာ တစ်ဖက်လူက ဘာကြောင့် အဲဒီလိုပြုမူတာလဲဆိုတာကို သိရင် အားလုံးကို နားလည်ပေးနိုင်ပေမယ့် အကြောင်းရင်းကို မသိတဲ့အချိန်မှာ တစ်ဖက်လူကို နားလည်မှုလွဲနိုင်ပြီး ဒေါသထွက်နိုင်ပြီးတော့ နောက်ဆုံးမှာ ရန်သူဖြစ်သွားမှာဖြစ်ပါတယ်။

ဒါကြောင့် ဘုရားသခင်ဟာ တစ်ဖက်လူကို နားလည်ပေးပြီး ထည့်သွင်းစဉ်းစားပေးတဲ့စိတ် လိုအပ်တယ်လို့ မိန့်တော်မူပြီး ပဋိညာဉ်တရားသစ်ပညတ်အားဖြင့် “အချင်းချင်း ချစ်ကြလော့”ဆိုတဲ့ သင်ကြားမှုကို အရေးကြီးတယ်လို့ အလေးပေးဖော်ပြခဲ့ပါတယ်။

[ခရစ်တော် အန်ဆန်ဟုန်းနှင့် အမေဘုရားသခင် ပုံသက်သေပြပေးတော်မူသော ချစ်ခြင်းမေတ္တာ၏လမ်းကို လိုက်လျှောက်ကြသော သန့်ရှင်းသူများ]

ဘုရားသခင်၏အသင်းတော် သန့်ရှင်းသူတွေဟာ အဖေနဲ့အမေက ကျွန်တော်တို့အတွက် ခံစားပေးတော်မူတဲ့ ဆင်းရဲဒုက္ခနဲ့ နာကျင်ခြင်း၊ အရှက်ကွဲခြင်းနဲ့ စော်ကားခြင်းတွေကို စဉ်းစားရင်း ကိုယ့်အတွက်ပဲ ရှင်သန်ခဲ့တဲ့ လူဟောင်းကို စွန့်ပယ်ပြီး အချင်းချင်း ထည့်သွင်းစဉ်းစားပေးပြီး အလျှော့ပေးပြီး ချစ်ခြင်းမေတ္တာကို ကျင့်သုံးတဲ့ လူသစ်ဖြစ်လာဖို့ အားထုတ်ကြပါတယ်။

ဘု​ရား​သ​ခင်​သည် ငါ​တို့​ကို​ချစ်​တော်​မူ​ခြင်း မေ​တ္တာ​တော်​ကို ငါ​တို့​သည်​သိ၍ ယုံ​ကြည်​ကြ၏။ ဘု​ရား​သ​ခင်​သည် ချစ်​ခြင်း​မေ​တ္တာ​ဖြစ်​တော်​မူ၏။ ချစ်​ခြင်း​မေ​တ္တာ၌ တည်​သော​သူ​သည် ဘု​ရား​သ​ခင်၌​တည်၏။ ဘု​ရား​သ​ခင်​သည်​လည်း ထို​သူ၌ တည်​တော်​မူ၏။ ထို​သို့​ငါ​တို့​သည် ချစ်​ခြင်း​မေ​တ္တာ​နှင့် ပြည့်​စုံ​သော​အား​ဖြင့်၊ တ​ရား​ဆုံး​ဖြတ်​တော်​မူ​သော​နေ့၌ ရဲ​ရင့်​ရ​သော​အ​ခွင့် ရှိ​ကြ​လိမ့်​မည်။ အ​ကြောင်း​မူ​ကား၊ ငါ​တို့​သည် ကိုယ်​တော်၏​နည်း​တူ ဤ​လော​က၌​ဖြစ်​ကြ၏။ ချစ်​ခြင်း​မေ​တ္တာ​သည် ကြောက်​ခြင်း​သံ​ဝေ​ဂ​နှင့် မ​ပေါင်း​နိုင်​ရာ။ သံ​ဝေ​ဂ​သည် ပူ​ပန်​ခြင်း​ဝေ​ဒ​နာ​ကို ဖြစ်​စေ​သော​ကြောင့်၊ စုံ​လင်​သော​မေ​တ္တာ​သည် သံ​ဝေ​ဂ​ကို ပယ်​ရှား​တတ်၏။ သံ​ဝေ​ဂ​ရှိ​သော​သူ​သည် မေ​တ္တာ​နှင့် မ​ပြည့်​စုံ​သေး။ ဘု​ရား​သ​ခင်​သည် ငါ​တို့​ကို​ရှေ့​ဦး​စွာ ချစ်​တော်​မူ​သော​ကြောင့်၊ ငါ​တို့​သည် ဘု​ရား​သ​ခင်​ကို​ချစ်​ကြ၏။ တစ်​စုံ​တစ်​ယောက်​သော​သူ​က၊ ငါ​သည် ဘု​ရား​သ​ခင်​ကို​ချစ်၏​ဟု ဆို​လျက်​ပင် မိ​မိ​ညီ​အစ်​ကို​ကို မုန်း​လျှင်၊ ထို​သူ​သည် မု​သား​ကို​သုံး​သော​သူ​ဖြစ်၏။ မိ​မိ​မြင်​ရ​သော မိမိညီအစ်ကိုကို မချစ်လျှင်၊ မမြင်သေးသောဘု​ရား​သ​ခင်​ကို အ​ဘယ်​သို့​ချစ်​နိုင်​မည်​နည်း။ ဘု​ရား​သ​ခင်​ကို ချစ်​သော​သူ​သည် မိ​မိ​ညီ​အစ်​ကို​ကို ချစ်​ရ​မည်​ဟူ​သော ပ​ညတ်​တော်​ကို ငါ​တို့​သည် ခ​ရစ်​တော်​ထံ၌ ခံ​ရ​ကြ​ပြီ။ ရှင်ယောဟန်သြဝါဒစာပထမစောင် ၄:၁၆-၂၁