O Ha-o Phainai, Jisu bai Khristo Ahnsahnghong, A Kwplaisa Kaitorni Langma tei Tongboyar.
Phan gwnang Kaitor, Mol brúm brúmni Apha, o ha-o phaiwi, kruso kanta bujak kha, tei leikhai kul pái ya bororok bai tekto rwjakmano, sak nangjak ya wngmano tei sátokjakmano soi phai kha. Hai phano, Bó Bini kubui bororokno naitugwi manna tẃi khe, bórokni bebak sumsokrokni bagwi ratharwi barokjagwi tei bórokno mwthangwi manna tẃi khe Bó siring siring khe o bebakno’-no soi phai kha.
Phola Kwtharni Molobo Haino, Chuknohani Jerusalem Amani Makapnani Salrok Phainai Hwnwi Kók Diyari Sasok Jago
Chuknohani bwsarokno mwthangmani a tangraidani jora-o, Jisu Bó puila phai phurubo, Khristo Ahnsahnghong Bó tei uáisa phai phurubo tei Chuknohani Ama Jerusalem Jotono a ha-o borok wngwi phai kha. Kók diyarini mote khe, o lama-o makapnani salbo khose khobjago, aboni yagulo chẃngsacha man phuru khe khatungmungni salrok phai-o. O swmai rwjakmani mote khe, tabuk Kaitorni Mothano tẃitherwi tongnai, a Ama Kaitorni chẃngsacha, swngchar gwnangwi chwngsaui tong kha.
[H]akhe Jisu bórokno hai hwnwi sa kha, “Apha khlai di hwnwi rwmani samung kaham kwbángma ang norokni bwskango khlai kha. Abórokni bisingo bu samungni bagwi norok ano khitar laina nai ba?” Judairok hai hwnwi sa kha, “Samung kahamni bagwi chwng nono khitarna nai ya, Kaitorno hamya sama bagwi se, tamni hwn khe borok wngwi se nwng saichung-saichung Kaitor wngna nai-o!” Johon 10:32–33
“Nini sal tei hap glak, tei nini talbo tei thwi glak, tamni hwn khe Subraiyung nini mol brúmni pohor wngnai, tei nini kapnani sal pái thángnai.” Jisaia 60:20
- আগের তারিখ
- Oct 31, 2025
- সহানুভূতি
- 0
