Ko e Hā ʻOku Mahuʻinga Ange ʻi he Puleʻanga ʻo Hevani?

Ko e Faikehekehe ʻi he Vahaʻa ʻo e Mahuʻinga ʻo Māmani ʻi he Vakai mei he Māmani Fakahēvaní pea mo e Mahuʻinga ʻo Māmani ʻi he Vakai mei he Kakai ʻo Māmaní

Hangē ko e lea ʻoku pehē, “ʻOku siʻi hifo ʻa e ano koula ʻi he ʻoneʻone ʻo e toafa ʻi ha matavai mokomoko, pea ki ha sipi hē pē taha, ʻoku lahi ange ʻa e tamasiʻi tauhi sipi ʻi he tuʻi koloaʻia taha,” ko e meʻa ʻoku mahuʻinga ʻi he māmani ko ʻení pea mo e meʻa ʻoku mahuʻinga ʻi he puleʻanga ʻo hevaní ʻoku kehekehe ʻaupito. Ko e koloa, ongoongo, mo e mālohi ʻoku fakamahuʻingaʻi ʻe he kakai tokolahi ʻi he māmaní ʻoku ʻikai hano mahuʻinga ʻi he puleʻanga ʻo hevani. Ko e ʻuhinga ia naʻe moʻui ai ʻa e kaingalotu 'o e Siasi kimu'a maʻa e puleʻanga ʻo hevaní ʻi he lotolotonga ʻo e fakatanga.

Ko e hā ʻa e Ngaahi Folofola ʻa e Tamai Fakahevani ko Ahnsahnghong mo ʻOtua ko e Faʻē, ko e Faʻahinga Mahuʻinga Taha ʻi he Puleʻanga ʻo Hevani?

ʻI he puleʻanga ʻo e ʻOtua, ko e ngāue mahuʻinga taha ko hono fakahoko ʻo e folofola ʻa e ʻOtua. ʻOku kumi ʻe he kāingalotu ʻo e Siasi 'o e 'Otua naʻa mo ha laumālie mole pē taha ʻaki ʻa e moʻoni ʻo e fuakava foʻou, ʻi heʻenau tui ki he folofola ʻa e ʻOtua te nau pule ko e ngaahi tuʻi ʻi he puleʻanga ʻo hevani pea ngingila ʻo hangē ko e ngaahi fetuʻu ʻo taʻengata pea taʻengata.

Ko kinautolu ni kotoa pē na‘a nau pekia tui pē, kuo ‘ikai te nau lava‘i ‘a e ngaahi tala‘ofa; ka kuo nau sio ki ai mei he mama‘o, pea kuo nau fetapa ki ai, pea kuo nau fakahā, ko e ‘āunofo mo e muli kinautolu ‘i māmani. Hepelū 11:13

Ka ko e kau fakapotopoto te nau ngingila hangē ko e ulo ‘a e femamēnite; pea ko kinautolu ‘oku fakatafoki ‘a e tokolahi ki he mā‘oni‘oni te nau hangē ko e ngaahi fetu‘u, ‘o lauikuonga ‘o ta‘engata. Taniela 12:3