လမ်းကို မေးမြန်းသောသူနှင့် လမ်းကို သင်‌ပေးသောသူ

[ကယ်တင်ခြင်းလမ်ကို မသိသောသူများထံ ဘုရားသခင်က အသိပေးပါဟု မိန့်မှာထားသော လမ်းမှာအဘယ်နည်း?]

ဘဝရဲ့ ပန်းတိုင်နဲ့ သွားရမယ့်လမ်းကို မသိဘဲ လှည့်လည်နေတဲ့ သူတွေဆီ ဟေရှာယ၊ ရှောလမုန်အပါအဝင် ယုံကြည်ခြင်းရဲ့ ပရောဖက်များစွာဟာ “ဘုရားသခင်ဆီ ပြန်လာကြလော့”ဆိုတဲ့ ဘုံလမ်းကို အသိပေးထားပါတယ်။ ခမည်းတော်ခေတ်မှာ ယေဟောဝါဘုရားသခင်ကို၊ သားတော်ခေတ်မှာ ယေရှုခရစ်တော်ကို၊ သန့်ရှင်းသောဝိညာဉ်တော်ခေတ်မှာ နာမသစ် ခရစ်တော်အန်ဆန်ဟုန်းနဲ့ အသစ်သောယေရုရှလင် ကောင်းကင်အမေဆီကို လာကြရမှာဖြစ်ပါတယ်။

[ဘုရားသခင်၏အသင်းတော် သန့်ရှင်းသူတို့ တွေ့ရှိခဲ့သော ဘုရားသခင်ထံ သွားသောလမ်း၊ ပဋိညာဉ်တရားသစ်]

ကောင်းကင်နိုင်ငံမှာ အပြစ်ကျူးလွန်ပြီး ဒီမြေကြီးကို ဆင်းလာခဲ့ကြတဲ့ ဝိညာဉ်တွေဟာ ပေးထားတဲ့ လူ့ဘဝထဲမှာ ပဋိညာဉ်တရားသစ်အားဖြင့် ပြီးပြည့်စုံတဲ့နောင်တကို အောင်မြင်ပြီး စစ်မှန်တဲ့ဘုရားသခင်နဲ့ ကယ်တင်ခြင်းရဲ့လမ်းကို ရှာတွေ့ခဲ့ရင် အဲဒီအခါ လမ်းကို မေးမြန်းတဲ့သူတွေဆီ အဲဒီလမ်းကို သင်ကြားပေးတဲ့တာဝန်ကို လုပ်ဆောင်ကြရမှာဖြစ်ပါတယ်။

ငါသည် အဘယ်အရပ်သို့ သွားသည်ကိုလည်းကောင်း၊ လမ်းခရီးကိုလည်းကောင်း၊ သင်တို့သိကြ၏ဟု မိန့်တော်မူ၏။ ... ယေရှုက၊ ငါသည် လမ်းခရီးဖြစ်၏။ သမ္မာတရားလည်းဖြစ်၏။ အသက်လည်းဖြစ်၏။ ငါ့ကို အမှီမပြုလျှင် အဘယ်သူမျှ ခမည်းတော်ထံသို့မရောက်ရ။ ရှင်ယောဟန်ခရစ်ဝင် ၁၄:၄-၆