ອານາຈັກສະຫວັນ ແລະ ການກັບໃຈປ່ຽນໃໝ່ ບໍ່ສາມາດແຍກຈາກກັນໄດ້

[ບັນດາລູກຂອງພະເຈົ້າມີ DNA ຂອງພະເຈົ້າ ເຊິ່ງເປັນຄວາມຮັກ]

ມະນຸດເຮົາໄດ້ລົງມາສູ່ໂລກນີ້ ຫຼັງຈາກໄດ້ເຮັດບາບຢູ່ໃນສະຫວັນ ຍ້ອນຄວາມຈອງຫອງຂອງພວກເຮົາ.
ພຽງແຕ່ເມື່ອພວກເຮົາກັບໃຈຈາກບາບຂອງພວກເຮົາຢ່າງສົມບູນ ແລະ ແບ່ງປັນຄວາມຮັກເຊິ່ງກັນແລະກັນ ໃນຖິ່ນ​ແຫ້ງ​ແລ້ງ​ກັນດານ​ແຫ່ງ​ຄວາມ​ເຊື່ອ, ພະເຈົ້າຈະຊົງປະທານພະພອນແຫ່ງຄວາມສຸກທີ່ນິລັນ ແລະ ສະຫງ່າລາສີແກ່ພວກເຮົາ ໃນສະຫວັນ.

[ການປະຕິບັດຄວາມຮັກທີ່ພະເຈົ້າ ພະມານດາຊົງສອນພວກເຮົາ: “ຂ້ອຍຂໍໂທດ” ແລະ “ຂ້ອຍບໍ່ເປັນຫຍັງ”]

ຜູ້ເຊື່ອຖືໃນຄິດສະຕະຈັກຂອງພະເຈົ້າ ກໍາຈັດຄວາມຈອງຫອງ ແລະ ຮຽນຮູ້ທີ່ຈະເຫັນອົກເຫັນໃຈເຊິ່ງກັນແລະກັນ ເພື່ອຄວາມສຸກຂອງພີ່ນ້ອງຊາຍສາວ ແລະ ຮັບຮູ້ເຖິງການເສຍສະຫຼະອັນຍິ່ງໃຫຍ່ຂອງພະເຈົ້າ ແລະ ຄວາມຮັກຂອງຄອບຄົວແຫ່ງສະຫວັນ.

“ບັດນີ້ເຮົາມອບພະບັນຍັດຂໍ້ໃໝ່ໃຫ້ພວກທ່ານ: ຈົ່ງຮັກເຊິ່ງກັນແລະກັນ. ເຮົາຮັກພວກທ່ານຢ່າງໃດ
ພວກທ່ານກໍຈົ່ງຮັກເຊິ່ງກັນແລະກັນຢ່າງນັ້ນ. ຖ້າພວກທ່ານຮັກເຊິ່ງກັນແລະກັນ ທຸກຄົນກໍຈະຮູ້ວ່າ ພວກທ່ານເປັນສາວົກຂອງເຮົາ”.
[ໂຢຮັນ 13:34-35]